اسلام آباد (این این آئی)پاکستان مسلم لیگ (ن)اور متحدہ قومی موومنٹ پاکستان میں تین نکاتی معاہدہ طے پاگیا ،دونوں جماعتوں کے قائدین نے اجلاس منعقد کیا اور اس معاہدے پر دستخط کردئیے۔
معاہدے میں بلدیاتی نظام اور کراچی کے مسائل کا حل شامل ہے، اس کے علاوہ چارٹر کے مطابق آئینی ترامیم دونوں جماعتوں کی ترجیح ہوں گے۔معاہدے کے مطابق ایم کیو ایم پاکستان اپوزیشن کی بجائے حکومتی بنچز پر بیٹھے گی اور مسلم لیگ (ن)کی وزیراعظم اور اسپیکر کے انتخاب میں حمایت کرے گی۔
