اسلام آباد (این این آئی)سربراہ جمعیت علمائے اسلام (ف)مولانا فضل الرحمن نے اپوزیشن میں بیٹھنے کا اعلان کردیا ہے۔میڈیا سے گفتگو کرتے ہوئے انہوںنے کہاکہ ہم صدر، اسپیکر قومی اسمبلی اور وزیر اعظم کے انتخابی عمل کا حصہ نہیں بنیں گے۔مولانا فضل الرحمن نے کہاہے کہ اسمبلی 5سال پورے کرتی نظر نہیں آ رہی۔

جمعرات کومولانا فضل الرحمان نے پارلیمنٹ ہائوس میں میڈیا سے گفتگو کرتے ہوئے کہا کہ یہ اسمبلی تو نہیں کوئی اور چیز ہے، اسمبلی 5 سال پورے کرتی نظر نہیں آرہی۔صحافی کے اس سوال پر کہ کوئی آزادی مارچ کریں گے اور کیا پی ٹی آئی کیساتھ مل کر احتجاج کریں گے پرمولانا فضل الرحمن نے کہا کہ دیکھیں اور انتظار کریں،آپ کے ساتھ مل کر احتجاج کریں گے۔مولانا فضل الرحمن نے نومنتخب قومی اسمبلی کے رکن کی حیثیت سے دیگر اراکین کے ساتھ حلف اٹھایا۔