راولپنڈی (این این آئی)پاکستان تحریک انصاف کے رہنمااور رزیراعظم کیلئے امیدوار عمر ایوب نے کہا ہے کہ قومی اسمبلی میں عامر ڈوگر کو اسپیکر اور ڈپٹی اسپیکر کیلئے جنید خان کو نامزد کیا گیا ہے۔میڈیا سے گفتگو کرتے ہوئے عمر ایوب نے کہا کہ بانی پی ٹی آئی سے ملاقات ہوئی، وہ پراعتماد ہیں، الیکشن میں دھاندلی نہیں دھاندلہ ہوا ہے۔

عمر ایوب نے کہا کہ یک جنبش قلم سے ہماری نشستوں پر ضرب لگا دی گئی، دو مارچ پورے پاکستان میں دیگر جماعتوں کے ساتھ احتجاج کریں گے، عوام کے مینڈیٹ پر شب خون مارا گیا ہے۔انہوں نے کہا کہ گزشتہ روز بھی لودھراں میں ہماری سیٹ پر شب خون مارا گیا، ہم عدالتوں اور اسمبلیوں میں بھی احتجاج کریں گے، عوام نے بانی پی ٹی آئی کو مینڈیٹ دیا ہے۔پی ٹی آئی رہنما نے کہا کہ ہماری لڑائی حق اور سچ کی لڑائی ہے، ہمارے پاس فارم 45 موجود ہیں۔