اسلام آباد(این این آئی)نیپرا نے لاہور الیکٹرک سپلائی کمپنی (لیسکو)میں اوور بلنگ کے خلاف کارروائی کا آغاز کردیا۔ایڈیشنل ڈائریکٹر نیپرا کے مطابق تمام ڈویژنوں کا اوور بلنگ ڈیٹا مانگ لیا گیا ہے، 27فروری تک تمام ڈیٹا فراہم کردیا جائے۔
انہوں نے کہاکہ فراہم کردہ ڈیٹا کی روشنی میں ایس ای ایکسینز کے خلاف کارروائی ہوگی اور جو افسران ملوث ہیں انہیں فیلڈ سے ہٹا دیا جائے گا۔اوور بلنگ میں شاہ پور، کوٹ لکھپت، قصور، چونیاں، پھول نگر، شالیمار اور شاہدہ سرفہرست ہیں۔ایڈیشنل ڈائریکٹر نیپرا نے کہاکہ یہ آخری وارننگ دے دی ہے اب کارروائی ہوگی۔
