اسلام آباد (این این آئی)نگران وفاقی حکومت نے پاکستان کرکٹ بورڈ (پی سی بی) کو کابینہ ڈویژن منتقل کردیا۔نگران حکومت کی طرف سے پاکستان کرکٹ بورڈ سے متعلق بڑا فیصلہ سامنے آیا جس کے تحت حکومت نے پی سی بی کو وزارت بین الصوبائی رابطہ سے کابینہ ڈویژن منتقل کردیا۔
فیصلے کے بعد پی سی بی کا انتظامی کنٹرول کابینہ ڈویڑن کے ماتحت کردیا گیا ہے ،اس سلسلے میں کابینہ ڈویژن کی جانب سے باضابطہ نوٹیفکیشن بھی جاری کردیا گیا ہے۔میڈیارپورٹ کے مطابق پی سی بی اب براہ راست وزیراعظم آفس کے ماتحت کام کرے گا اور کسی بھی وزارت کو جواب دہ نہیں ہوگا، اس اقدام سے سیکرٹری آئی پی سی بھی بورڈ آف گورنرز کے رکن نہیں رہیں گے۔
