لاہور ( این این آئی) پنجاب میں ارکان اسمبلی کے حلف اور حکومت سازی کے معاملے پر پنجاب اسمبلی کا اجلاس فروری کے آخری ہفتے میں طلب کرنے کا فیصلہ کیاگیا ہے۔ذرائع کے مطابق الیکشن ڈے کے بعد 21دن کے اندر آئینی طور پر اسمبلی اجلاس طلب کرنا لازم ہے،

مخصوص نشستوں کا نوٹیفکیشن ہوتے ہی پنجاب اسمبلی کا اجلاس طلب کرلیا جائے گا۔پنجاب اسمبلی سیکرٹریٹ نے اجلاس کی تیاریاں مکمل کر لیں، اگلے 72گھنٹے میں اجلاس کی حتمی تاریخ کا تعین کر کے سمری بھیج دی جائے گی ۔ذرائع کے مطابق پنجاب اسمبلی کا اجلاس 29فروری سے قبل طلب کیا جائے گا ، پنجاب اسمبلی کے طلب کردہ اجلاس میں ارکان کا حلف، سپیکر، ڈپٹی سپیکر اور وزیر اعلی کا انتخاب ہوگا۔