برسبین(این این آئی) ویسٹ انڈیز نے 27 سال بعد آسٹریلیا کو اس کے گھر میں شکست کا مزہ چکھا یا، اس فتح کو دیکھ کر برائن لارا اور کارل ہوپر آبدیدہ ہوگئے جن کی ویڈیو بھی وائرل ہوگئی۔ جیسے ہی شیمار جوزف نے آخری وکٹ لی تو اس دوران کمنٹری باکس میں بیٹھے ویسٹ انڈین کپتان برائن لارا جذبات پر قابو نہ رکھ سکے۔ویسٹ انڈین بولر شیمر جوزف کی تباہ کن بولنگ نے آسٹریلیا کیلیے 216 رنز کا ہدف ناممکن بنا دیا۔
شیمر جوزف نے سات کھلاڑیوں کو پویلین پہنچایا، آسٹریلیا کی پوری ٹیم 207 رنز پر ڈھیر ہوگئی۔ اوپنر اسٹیو اسمتھ نے بیٹ کیری تو کیا لیکن ٹیم کو شکست سے نہ بچا سکے۔ویسٹ انڈیز اور آسٹریلیا کے درمیان 2 ٹیسٹ کی سیریز ایک ایک سے برابر ہوگئی، شیمر جوزف میچ اور سیریز کے بہترین کھلاڑی قرار پائے۔ میچ جیتنے کے بعد کمنٹری باکس میں بیٹھے برائن لارا آبدیدہ ہوگئے، انہیں ساتھ میں موجود ایڈم گلکرسٹ نے گلے لگایا۔ ڈریسنگ روم میں موجود ویسٹ انڈیز کے کوچ اور سابق کپتان کارل ہوپر بھی جذبات پر قابو نہ رکھ سکے اور روپڑے۔ یہی نہیں بلکہ کمنٹیٹر آئن بشپ بھی میدان میں اتر آئے اور شیمار جوزف کو گلے لگالیا۔
