لاہور ( این این آئی) پاکستان کرکٹ بورڈ مینجمنٹ کمیٹی نے گورننگ بورڈ تشکیل دے دیا۔پی سی بی کے مطابق قائم مقام چیئرمین شاہ خاور نے وزیراعظم کے نامزد دو ممبران نگران وزیر اعلیٰ پنجاب پنجاب محسن نقوی اور مصطفی رمدے کو بھی بورڈ میں شامل کیا ہے۔
بہاولپور ریجن کے صدر طارق سرور، ڈیرہ مراد جمالی کے صدر ظفراللہ جدگال بورڈ میں شامل ہیں ۔آزاد جموں و کشمیر ریجن کے صدر سجاد علی کھوکھر اور لاڑکانہ ریجن کے صدر تنویر احمد بھی بورڈ آف گورنرز منتخب ہوئے ۔
ان کے ساتھ سوئی ناردرن گیس، غنی گلاس، پی ٹی وی اور اسٹیٹ بینک کے نمائندے بورڈ کا حصہ بنے ہیں ۔وفاقی سیکرٹری برائے بین الصوبائی کمشنرز رابطہ گورننگ بورڈ کے نان ووٹنگ ممبر ہوں گے۔ پی سی بی الیکشن کمشنر چند روز میں بورڈ آف گورنرز کا خصوصی اجلاس بلاکر نئے چیئرمین پی سی بی کا انتخاب یقینی بنائیں گے۔بورڈ آف گورنر کی تشکیل کے بعد 3سال کیلئے چیئرمین پی سی بی کا انتخاب ہوگا۔
