کراچی (این این آئی)اداکار و میزبان عمران اشرف کی بچی کو ہاتھ لگانے سے قبل والدہ سے اجازت لینے کی ویڈیو سوشل میڈیا پر وائرل ہوگئی ۔ میڈیا رپورٹ کے مطابق نجی ٹی وی پر شو کے دوران حاضرین میں ایک بچی کی باتوں کا انداز بھانے پر عمران اشرف نے اسے سٹیج پر اپنے پاس آنے کو کہا ،منتشا نامی ننھی بچی کو اپنے قریب بٹھاکر چھونے سے قبل عمران اشرف نے بچی کے والدین سے اجازت لیتے ہوئے کہا کہ کیا میں چھو سکتا ہوں؟
،اجازت ہے؟۔عمران کے یوں پوچھنے پر آڈیئنس میں بیٹھی خاتون نے اداکار کو اجازت دی اور پھر عمران اشرف نے بچی سے سوال و جواب کا سلسلہ شروع کیا۔وائرل ویڈیو میں منتشا نے عمران اشرف کے نام شعر بھی سنایا جس کے بعد ہال تالیوں سے گونج اٹھا، اداکار کے اس عمل پر ناصرف سوشل میڈیا صارفین نے انہیں سراہا بلکہ اداکاروں نے بھی عمران کی ویڈیو پر تبصرے کئے اور اپنے خیالات کا اظہار کیا۔
ماڈل و اداکارہ نادیہ حسین نے کمنٹ کیا اور کہابچی چھونے سے قبل اجازت مانگنا سب سے بہترین عمل ہے جو میں نے کسی بھی پاکستانی سلیبریٹی کی جانب سے دیکھا ہے، آپ کیلئے بہت ساری دعائیں۔اس کے علاوہ ایک خاتون صارف نے لکھا آپ کا بچی کو ہاتھ لگانے سے قبل اس کے والدین سے اجازت لینا قابلِ تعریف ہے، پاکستانی مردوں کو آپ سے سیکھنا چاہئے۔اداکارہ و سوشل میڈیا انفلوئنسر سدرہ بتول نے بھی تبصرہ کیا اور کہا جس طرح آپ نے بچی کی والدہ سے اجازت طلب کی، یہ شیئر کرنے کے قابل ہے۔
