پشاور (این این آئی)خیبرپختونخوا ( کے پی) کے ہسپتالوں میں دواؤں کی قلت شدید ہوگئی ہے جسے دور کرنے کیلئے 9 ارب روپے کے فوری فنڈز درکار ہیں۔جاری دستاویز کیمطابق ہسپتالوں میں امیونوگلوبولینز، اینٹی ریبیز ویکسین اور ایمرجنسی ادویات کی کمی ہے اور فنڈز نہ ہونے کے باعث ادویات کی خریداری کیلئے تاحال کوئی آرڈر نہیں دیا جا سکا۔

دوسری جانب ڈی جی ہیلتھ نے سیکرٹری ہیلتھ کے پی کوہسپتالوں کی مالی مشکلات سے آگاہ کردیا ہے کہ دواؤں کی خریداری کی مد میں 2.67 ارب روپے کے بقایاجات ہیں، بقایاجات اور اضافی 6 ارب روپے جاری کیے جائیں۔جاری دستاویز کے مطابق محکمہ خزانہ نے 23 – 2022 میں 99 کروڑ77 لاکھ روپیکا بجٹ دیا تاہم 99 کروڑ77 لاکھ روپیکیبجٹ سے دواؤں کی قلت ختم نہیں ہو سکتی۔سیکرٹری ہیلتھ خیبرپختونخوا محمود اسلم نے بتایا کہ صوبہ مالی مشکلات کا شکار ہے، فنڈز کی کمی کا سامنا ہے، دواؤں ،طبی آلات کے لیے خیبرپختونخوا حکومت سے پیسے مانگے ہیں، خیبرپختونخوا حکومت نے کہا ہے وفاق سے فنڈز ملتے ہی رقم جاری کر دیں گے۔