اسلام آباد (این این آئی)وفاقی حکومت نے بانی پی ٹی آئی کے خلاف جیل میں سائفر ٹرائل کالعدم قرار دینے کا اسلام آباد ہائی کورٹ کا فیصلہ سپریم کورٹ میں چیلنج کر دیا۔درخواست میں وفاقی حکومت نے سپریم کورٹ سے استدعا کی ہے کہ اسلام آباد ہائی کورٹ کا 21 نومبر 2023ء کا فیصلہ کالعدم قرار دیا جائے۔

وفاقی حکومت نے درخواست میں موقف اختیار کیا کہ اسلام آباد ہائی کورٹ نے حقائق کا درست جائزہ نہیں لیا۔درخواست میں موقف اپنایا گیا کہ اسلام آباد ہائی کورٹ نے سائفر ٹرائل کے لیے قائم خصوصی عدالت کو کالعدم قرار دیا۔وفاقی حکومت نے اپنی درخواست میں موقف اختیار کیا کہ ہائی کورٹ کے پاس خصوصی عدالت کی حیثیت ختم کرنے کا اختیار نہیں ہے۔