اسلام آباد (این این آئی)پاکستان نے حالیہ کشیدگی کے بعد پاکستانی ایئرلائنز کو ایرانی فضائی حدود استعمال نہ کرنے کی ہدایت کی ہے۔میڈیا رپورٹ کے مطابق پاکستان اور ایران کے درمیان حالیہ کشیدہ صورتحال صورتحال کے پیش نظر پاکستان نے ایوی ایشن حکام کو ایرانی فضائی حدود استعمال نہ کرنے کی ہدایت کی ہے۔

ذرائع کے مطابق پاکستانی ایئرلائنز کو ایرانی فضائی حدود استعمال نہ کرنے کے ساتھ ساتھ متحدہ عرب امارات اور سعودی عرب سے آنے والی پروازوں کو بھی ایرانی فضائی حدود سے دور رہنے کی ہدایت کی گئی ہے۔ذرائع کے مطابق یورپ اور وسط ایشیا سے آنے والی پروازوں کو مسقط کا روٹ استعمال کرنے کی ہدایت کی گئی ہے۔واضح رہے کہ 2 روز قبل ایران کی جانب سے پاکستان کی فضائی حدود میں حملے کے نتیجے میں 2 معصوم بچے جاں بحق اور 3 بچیاں زخمی ہو گئی تھیں۔ایران کی جانب سے اپنی فضائی حدود کی خلاف ورزی کے 48 گھنٹے سے بھی کم وقت کے اندر پاکستان نے گزشتہ روز علی الصبح ایرانی صوبے سیستان و بلوچستان میں دہشت گردوں کے ٹھکانوں پر حملہ کیا تھا جس میں متعدد دہشت گرد مارے گئے تھے۔