لاہور ( این این آئی) وزارت داخلہ نے جناح ہائوس لاہور حملہ کیس کے جیل ٹرائل کا فیصلہ کیا ہے۔انسداد دہشت گردی عدالت لاہور میں محمد منیب سمیت سو سے زائد ملزمان کی ضمانتوں پر سماعت ہوئی۔سرکاری وکیل نے بتایا کہ جناح ہائوس کے مقدمے کا چالان جمع ہوچکا ہے،

جناح ہائوس کا ٹرائل جیل میں ہوگا ہمیں وزرات داخلہ کا جیل ٹرائل کا نوٹی فکیشن موصول ہوچکا ہے۔ملزمان کے وکلا نے استدعا کی کہ آپ ٹرائل کو چاند پر کروالیں لیکن اب اس وقت ضمانتوں کی بات ہو رہی ہے جس کی ضمانت میرٹ پر بنتی ہے منظور کی جائے۔عدالت نے وکلا کو دلائل کے لیے طلب کرلیا اور سماعت 23جنوری تک ملتوی کردی۔