اسلام آباد (این این آئی)پاکستان کو انٹرنیشنل مانیٹری فنڈ (آئی ایم ایف)سے 70 کروڑ ڈالر کی اگلی قسط موصول ہو گئی۔آئی ایم ایف کے ایگزیکٹیو بورڈ نے گزشتہ ہفتے اقتصادی جائزے کی منظوری دی تھی۔ اسٹیٹ بینک کے حکام کے مطابق پاکستان کو جاری کردہ رقم 1.9 ارب ڈالر ہو گیخآخری اقتصادی جائزے کے بعد پاکستان کو مزید 1.1 ارب ڈالر ملیں گے۔

واضح رہے کہ آئی ایم ایف کے ایگزیکٹیو بورڈ نے گزشتہ ہفتے اقتصادی جائزے کی منظوری دی تھی۔وزارت خزانہ کے اعلامیہ میں کہا گیا تھا کہ 3ارب ڈالر کے اسٹینڈ بائی ارینجمنٹ پروگرام کے تحت آئی ایم ایف کے ایگزیکٹو بورڈ نے پہلا جائزہ منظور کیا اور دوسری قسط کی مد میں فنڈز کی منظوری دی۔اعلامیے میں کہا گیا تھا کہ پاکستان کے لیے آئی ایم ایف مشن نے دوسری قسط منظور کرنے کی سفارش کی تھی۔پہلے اقتصادی جائزے کی تکمیل پر پاکستان اور آئی ایم ایف کے درمیان اسٹاف لیول معاہدہ 15 نومبر 2023 کو طے پایا تھا۔