اسلام آباد (این این آئی)بانی پی ٹی آئی عمران خان کیخلاف توشہ خانہ اور القادر ٹرسٹ کیس میں جیل ٹرائل اسلام آباد ہائیکورٹ میں چیلنج کر دیا گیا۔تفصیلات کے مطابق بانی پی ٹی آئی نے توشہ خانہ ، القادر ٹرسٹ کیس میں جیل ٹرائل کے نوٹیفکیشن کیخلاف اسلام آباد ہائیکورٹ میں دائر درخواستوں میں چیئرمین نیب و دیگر کو فریق بناتے ہوئے موقف اپنایا ہے کہ القادر ٹرسٹ کیس میں 14نومبر اور توشہ خانہ کیس میں 28نومبر کو ٹرائل کا نوٹیفکیشن جاری ہوا، جیل ٹرائل کے نوٹیفکیشن غیر قانونی اور بدنیتی پر مبنی ہیں۔بانی پی ٹی آئی نے عدالت سے استدعا کی ہے کہ ٹرائل کے نوٹیفکیشنز کو کالعدم قرار دیا جائے اور درخواست کے زیر التوا رہنے تک ٹرائل کورٹ کی کارروائی کو روکا جائے۔