کراچی(این این آئی)اندرون ملک سفر کرنے والوں کو اب فیس بھی دینی پڑے گی۔سول ایوی ایشن اتھارٹی نے ڈومیسٹک پرواز کے مسافروں پر ایئرپورٹ چارجز مقررکردیئے۔اندرون ملک پروازوں پر سفر کرنے والے ہر مسافرکو اب 100 روپے فیس دینی ہوگی۔
ایئرلائنز مسافروں سیچارجز وصول کر کے سول ایوی ایشن اتھارٹی کو دیں گی۔ اس حوالے سے نوٹیفکیشن جاری کردیا گیا ہے۔سول ایوی ایشن کا نیا ہدایت نامہ ائرلائنز کو بھی موصول ہو گیا ہے۔سول ایوی ایشن اتھارٹی کے مطابق مسافروں سے چارجزکی وصولی کا حکم نامہ15جنوری سینافذالعمل ہوچکا ہے۔
